Irsa Demneri, 5-muajshe shtatzene

Eshte vetem 21 vjec dhe se shpejti do te behet nene. “Miss Shqiperia 2007”, Irsa Demneri, eshte 5-muajshe shtatzene, dhe pret te behet nena e nje vajze, nga lidhja e dashurise me nipin e Sali Berishes, nje djale shtatlarte, i diplomuar per Juridik. Djali qe quhet Endrit, aktualisht punon ne administraten e Bashkise se Tiranes, ndersa eshte nje frekuentues i rregullt i jetes se nates dhe i njohjeve te shumta, qe ka me vajzat VIP. Ne nje nga keto raste ai eshte e njohur me ish-missin Demneri, duke nisur keshtu nje histori dashurie qe fillimisht eshte mbajtur sekret vetem mes mikeshave te saj me te ngushta.


Historia qe ka filluar para nje viti, per hir te se vertetes ka pasur uljet e ngritjet e saj, per faktin se te dy kane pasur nje jete te vrullshme, duke frekuentuar jeten e nates, dhe ndoshta duke perjetuar xhelozi per njeri-tjetrin. Por gjate kesaj periudhe qe ata kane dale bashke, kane hedhur nje hap me shume ne njohjen e tyre pasi presin nje femije, qe sipas rezultatit te ekos pritet te jete vajze

Me marrjen vesh te ketij lajmi, ata kane organizuar nje darke te madhe familjare, duke e bere serioze marredhenien e tyre tashme. Aktualisht Irsa jeton ende prane familjes, deri ne marrjen e nje vendimi per te filluar bashkejetesen me Endritin.

Kush eshte Endriti

Eshte pak me shume se 25 vjec dhe nuk jane te pakte ata qe e njohin ne Tirane, per jeten qe ben si nje djale i ri milioner, i pasionuar pas markave dhe makinave te shtrenjta. Per shkak te ketij fakti dhe pamjes se tij prej djali sharmant, ai eshte pare shpesh te frekuentoje clubet e shtrenjta te jetes se nates, me vajza te ndryshme te botes se ekranit. Pasioni i tij per vajzat e bukura duket se eshte vertetuar me lidhjen me Irsen, nje ish-miss i spektakleve te bukurise se Petri Bozos. Periudha qe Irsa eshte njohur me Endritin, i takon kohes qe ajo u largua nga ekrani duke iu perkushtuar me shume studimeve ne Universitetin Europian te Tiranes. Edhe se eshte nje djale qe argetohet jashte mase me shoket e tij, ai ka nje profil serioz te punes se tij si jurist prane Bashkise se Tiranes. Miqte e tij te afert e kane komentuar si te paparashikueshem vendimin e tij per te krijuar nje lidhje serioze ne moshe kaq te re, dhe per t’u bere baba kaq shpejt, gje per te cilen ai eshte shprehur entuziast tashme.

Irsa, jeta e vajzes pas shpalljes Miss ne vitin 2007

Kur u shpall “Miss Shqiperia 2007”, Irsa Demneri ishte vetem 17 vjec. Me pas ajo prezantoi spektakle te tjera te Petri Bozos, ndersa provoi te ishte pjese e programeve televizive, si ai me titull “Colorbar”, program veror i shfaqur ne “Vizion Plus”, ku ajo ishte nje nga anetaret e jurise se ketij programi tip karaoke, te drejtuar nga Kozeta Kurti. Pasi Irsa nisi studimet e larta per Shkenca Politike ne Tirane, ajo iu largua ekranit, duke krijuar pershtypjen se hoqi dore nga televizioni. Por ndryshe nga disa vajza te ekranit, qe terhiqen totalisht nga jeta publike, ajo ishte po ashtu nje frekuentuese e jetes se nates. Si nje studente shume e mire me mesime, ambiciet e saj e kapercenin boten e televizionit duke pretenduar per pozicione pune ne administrate. Para disa vitesh ajo u be imazh i nje linje te fustaneve te nuserise, ndersa pohoi se i pelqente modelimi dhe do kishte shume deshire t’i vinin sa me shume oferta, si ajo e prezantueses se spektaklit “Netet e klipit Shqiptar”, qe e drejtoi se bashku me Olti Xhezon. Irsa ka eksperimentuar edhe me kinemane, ku interpretoi ne filmin e Gjergj Xhuvanit “Lindje-Perendim-Lindje”, ne nje lidhje dashurie me nje djale, qe luhej nga modeli i njohur Oni Pustina. Gjate kesaj periudhe ajo nuk ka deklaruar asnje lidhje serioze, pasi i kishte dhene fund historise se saj te dashurise se gjimnazit. Per sa u perket linjave, jemi kureshtare te shohim pasojat e shtatzaenise, pasi deri tani eshte nga te paktat miss-e qe ruan te njejten peshe qe kishte, kur fitoi kuroren e “Miss Shqiperia”. /panorama plus/